KHAWTHLIR

Thawhhona ziak
Higher Secondary School Lecturers Association of Mizoram (HISSLAM) leh CT Group of Institution, Jalandhar chuan, nimin khan HISSLAM office, MacDonald Hill-ah thawhhona thuthlung an ziak. An thawhona thuthlungah hian HISSLAM member-te tana orientation course leh refresher course buatsaih te, HSS zirlaite tan study tour leh career guidance buatsaih te, Best Student of the Year 2017 thlan leh lawmman pekte a tel a ni.

Drone khap
Aizawl District Sub Divional Magistrate chuan thupek chhuahin, vawi-ina Millennium Centre chung zawla Digidhan Mela neih turah sorkar laipui leh state sorkar aṭangin mi pawimawh tak tak an kal dawn avangin, venhimna ṭha taka kalpui a nih theihna atan vawiin leh naktuk hian Millennium Centre chung leh a chheh vela drone/aerial camera leh hetiang lam chi reng reng thlawh tir a khap.

Lehkhabu tlangzarh
Prof. Jangkhongam Doungel lehkhabu ziah, 'Autonomy Movements and The Sixth Schedule in North East India' tih chu nimin khan Assembly speaker Hipheia'n Mizoram Legislative Assembly conference hall-ah a tlangzarh.

In kâng ral
Nimin chawhma lam khan Chawlhhmun vengah Ramliana in a kâng a, bungrua chuh hman lohin a kâng ral. Kângmei hi in chhunga gas puak vanga chhuak a ni a, gas puah lai leh in a kan ṭan laiin inah awm an awm lo.