Kolasib-ah sorkar hnathawkte tan training buatsaih

Administrative Training Institute (ATI) leh Kolasib DC office-te chuan, nimin khan Kolasib-a IPR de­partment conference hall-ah ni 12 awh tur, Kolasib-a sor­kar hnathawkte tan induction training programme an buatsaih a, Kolasib bawrh­sap H Lalengmawia'n a hawng.

Kolasib DC chuan, sorkar hnathawkte tan intuaithar fo a pawimawh tih sawiin, "Sorkar hnathawkte mipui tana rawngbawl kan ni tih inhre fo ila. Mipui tana dawr nuam leh inlaichinna ṭha tak siama hna thawk tur kan ni tih inhriat fo a pawimawh," a ti.

H Lalengmawia chuan, sorkar hnain a ken tel hriat tur pawimawh hrang hrang - office inkaihruaina dan, mipui chhawn dan, inlai­chinna ṭha siam dan leh department dang hna­-thawh dante inhriat­pui tawn a ṭul tih sawiin, "Hei hian kan hnathawhna kawng­ah min pui ngei dawn a ni," a ti a; training-a telte chu an thil zirte hlâwkpui ngei turin a chah.

Training-ah hian sorkar department ṭhenkhatte hnathawh dan leh sorkar scheme kalpui dan te, inlaichinna ṭha siam dan te, thutlukna ṭha siam dan te, RTI Act, e-governance leh Digital India chungchang te, file vawn dan dik leh office inkaihruaina dante an zir dawn a; February 24-ah khâr a ni ang.