LEIT Minister leh MYC Chairman Bân turin SSU-in sorkar an ngen

Students Self-Support Union (SSU) hruaitute chuan Nalanda Institute of Advanced Studies (NIAS), Kolkata chung­changah nimin khan sorkar hotu hrang hrangte an hmu a; Labour, Empoyment and Industrial Training (LEIT) Minister leh Mizoram Yiouth Commission (MYC) Chairman-te bàn ngei turin Mizoram sorkar an ngen.

SSU hruaitute hian zing karah Home minister R Lalzirliana a inah an hmu a; LEIT Minister leh MYC Chairman-te báng tura an duh chhan leh NIAS-a zirlai tirh chungchanga thil fel lo tam tak awmte an hrilh.

Chhunah CM Lal Thanhawla a bangla-ah an hmu leh a, NIAS-a Mizo zirlai tirh chung­chang zau takin an sawi­ho. Chief Minister-in UDPA minister Zodin­tluanga sawipui leh tura a tih angin chawhnu lamah UDPA Minister chu a pisaah an hmu leh bawk.