Aizawlah Digital Archives buatsaih

Art & Culture department chuan nimin khan Archives Hall, Aizawlah Digital Archives leh ni thum awh tur 'Workshop on Archives' an buatsaih ṭan a, Art & Culture minister R Romawia'n a hawng.

Art & Culture Minister chuan, mumal leh fel zawka Mizoramin record pawimawh a neihte vawn ṭhat theihna tur dan - Mizoram Public Records Act 2011 leh Mizoram Public Records Rules 2014-te uluk taka duan a nih thu a sawi a; thil hlui vawn leh humhalh a hautak avang leh fimkhur a ngaih avangin Art & Culture department official-te chu written document leh digital archive ngai pawimawha vawng ṭha zel turin a chah.

Digital Archive leh workshop hi Mizo ram leh hnam rohlu thu ziakte ṭha taka enkawl a nih zel theihna atan leh, hemi lama dan awmte - Mizoram Public Records Act 2011 leh Mizoram Public Records Rules 2014 bawhzui na atan buatsaih a ni a; workshop-ah hian sorkar department thlan chhuah 25 aiawhte an tel a ni.