Hnahthial leh Tlabung ODF-ah puang

Lunglei DC K Lalro­hlua kaihhruaiin Lunglei District Level Committee on Swachh Bharat Mission (Urban) chu nimin khan DC Conference Hall-ah an ṭhukhawm a; Lunglei district-a census town pahnih - Hnahthial leh Tlabung te chu páwna inthiar awm lohna, Open Defecation Free (ODF)-ah an puang.

Hnahthialah hian zirlai naupang 886 leh Tlabung­ah zirlai naupang 682-te'n self declaration an nei hmasa a; chumi hnuah hmeichhia self help group leh V/C zawng zawngte an inpuang leh a ni.

Lunglei district thu­-neitute'n Hnahthial leh Tlabung khua ODF-a an puan hnuah hian mipui ngaih­dan lakna hun ni 15 hawn a ni dawn a; state sor­­karin endiktu a ruat­te'n an endik hnuah ODF-a puan theiha an ngaih chuan Swachh Certificate hlan an ni ang.