Sikul chhiat vanga naupang Sikul kai thei lo pawi an ti

ZPM Ṭhalai chuan thuchhuah siamin, tun hnaia ruahsur vanga Mizoram hmun hrang hranga sorkar sikul in a chhiat lutuk tawh avanga sikul kal thei loa an awm chu pawi an tih thu leh harsatna thleng chu School Education Minister mawhphurhnaa an ngaih thu an tarlang.

ZPM ṭhalaite chuan, “Tun hnaiah ruahsur avanga Mizoram hmun hrang hranga sorkar sikulah, school building chhiat lutuk avanga zirlai naupangte leh zirtirtute thlabár taka an awm leh sikul kal thei lo hiala an awm hi pawi kan ti. Thil thleng hi Education Minister mawhah kan ngai a, fûr ruahtui a la tlâk tam dawn chauh avangin thil duhawm lo a thlen nawn lohna tura chak taka hma la turin Education minister Pu Lalchhandama Ralte kan phût a ni,” an ti.