Tippereghat-ah in pariat a kâng

Nimin chawhma dar 10:30 vel khan, Tlabung Sub-Division huam chhunga Tippereghat khua­ah kângmei a chhuak a, chenna in pariat a kâng ral.

Tlabung Post editor Van­lal­hriatpuia hnen aṭanga thu dawn danin, kàngmei hi Chinta Devi-te in aṭanga chhuak a ni a, bungrua chuh hmain a kàng ral. An ṭhenawm chiaha in pawh man kai nghal a, in dang kâng kai zelin, bungrua chuh hman lohin an kàng ral vek a ni.

In a kâng tih hriat a nih veleh khaw mipuite leh Border Security Force sipai eng emaw zatin ṭhelh tumin an bei a; mahse an ṭhelh thei lo. Chênna in pariat a kan ral bakah, in dang pathum chu a kan kai hmain ṭhiah a ni bawk.

Tippereghat-a V/C leh YCA-te chu kângmei tuarte chhawmdàwl dan ngaihtuah turin nimin khan an ṭhukhawm nghal a; bialtu MLA Nihar Kanti Chakma pawhin chênna in chánte chu a theih anga tuamhlàwm an nih tur thu a sawi.