Hmasawnna tur atana ruahmanna siam dan tur ADC-te zirtir an ni

National Institute of Rural Development & Panchayati Raj, North Eastern Regional Centre (NIRDPR-NERC), Guwahati leh State Institute of Rural Development & Panchayati Raj (SIRDPR) chuan, nimin khan SIRDPR conference hall-ah 'Integrated Planning for Autonomous District Councils (ADC)' zirhona an buatsaih.

Training hawngtu District Council Affairs secretary Rodney Lalrinawma chuan, hmasawnna kawng zawh turin ruahmanna ṭha a pawimawh tih a sawi a, "United Nations pawhin khawvela retheihna ûm bo a nih theih nan rua­hmannate a siam a, chutiang bawk chuan keini pawhin kan huam chhungah hmasawnna ṭha a awm theih nan leh retheihna ûm bona atan ruahmanna ṭha kan siam a pawimawh," a ti.

Training-ah hian autonomous district council hrang hranga officer-te an tel a, course director leh Mizoram University-a mithiamte'n hmasawnna tura rua­hmanna siam dan hrang hrang an zirtir a ni.