Mahni ṭánghma chauh ngai lo turin chah

All Mizoram DRDA Employees Association (AMDEA) chuan nimin khan Synod Conference Hall-ah General Body Meeting an nei a, an hun hmanpuitu, Rural Development minister R Lalzirliana chuan, sorkar hnathawkte chu an ṭánghma chauh ngai lo turin a chah.

Sorkar hnathawkte chu an thawh chhan hria a, an ṭánghma chauh ngai lo tura chahin R Lalzirliana chuan, "Mihring nun danglam zelah insiam rem a ṭul a, fimkhur zawka hna thawh a ngai a ni," a ti.

R Lalzirliana chuan, RD department chu mirethei zawkte leh kut hnathawktute nghêng hnai ber an ni tih sawiin, department hnuaia thawkte chu ṭhahnemngai taka thawk tur leh dawhkana hna thawh mai piah lamah, a hmun kal chilha thawk turin a chah a; "Aia chung zawkte zah thiam a, ṭawngkam hawih­hâwm hman hram hram a pawimawh," tiin a fuih.

AMDEA General Body Meeting hi an president PC Lallawmkima'n a kaihruai a, chawhnu lamah ro an rel bakah hruaitu thar an thlang a ni.