Lengpuiah thlawhtheihna a thlâwk leh ṭan

Lengpui Airport ṭumkawng (runway) a ṭhat tawk loh vanga ni hnih chhung thlawhtheihna thlâwk tihtawp a nih hnuah, nimin aṭang khan thlawhnate an thlawk leh ṭan.

Tarlan tawh angin, Lengpui Airport ṭumkawngah thlawhtheihna ṭumna atana him tâwk lo lai a awm avangin thlawhtheihna ṭum leh chhuak tur tan a hlauhawm theia ngaih a ni a, Airport Authority of India chuan May 17-18, 2022 khan thlawhtheihna lut leh chhuak tur a titawp lailawk a ni.

Ṭumkawng chu Mizoram PWD-in an thawm ṭhat hnuah nimin khan Air India thlawh­theihna pakhat, Indigo Airlines thlawhtheihna pathum leh Alliance Air thlawhtheihna pahnih an ṭum a, chawhma dár 10:35-ah thlawhna hmasa ber a ṭum a ni. Nimin bikah hian Guwa­hati, Shillong, Kolkata leh Delhi flight-te Lengpui Airport-ah ṭumin an thlawk chhuak a ni.