Siaha DC Bangla sakah lungawi lo

Sorkarin Siaha district chhunga hmasawnna hna a thawhte mipuiin ṭha taka an hmana an chhawr theih nana a nih dan tur ang a nih leh nih loh vil zuitu, Siaha District Development Vigilance Committee (SDDVC) chuan nimin khan Siaha DC bangla sak mek an tlawh a, hna thawh danah an lungawi lo.

Siaha aṭanga thu dawn danin, DC Bangla hi ft. 34x34-a zaua sak tur niin, Zopa chhiara chhawng hnih a ni a, a sak nan cheng nuai 93 ruahman a ni. In sakna atana hmanrua an hman leh a sak danah lungawithlak mah se, in a têt bakah a chhungah pindan a tam hle a, pindante hi a tet vangin chhungkuaa luah atan chuan a tê lutukah an ngai a ni.

SDDVC chuan, chhungkaw pangngai tana luah ngaihna awm lo leh tê lutuk chu a bul aṭanga sak ṭhat tura ruahman thar leh chi ni lo mah se, lian zawka sak belh dan awm se an duh thu an sawi.