MLA-in Lungmuat P/S a enfiah

Tuirial bialtu MLA K Laldawngliana chuan nimin khan a bial chhunga Lungmuat Primary School a tlawh a, sikul video darh chungchang a enfiah.

K Laldawngliana chuan, action la tur emaw, thinrim vang emawa kal a ni lo tih sawiin, “Zirtirtute leh khawtlangte thlamuan tur leh thil nihna a hmun ngeia finfiah ka duh vangin ka lo kal a ni,” a ti a; Lungmuat P/S chu sak ṭhat tura ruahman mek a nia sawiin, “Naupangin sikul an kal lailâwkna hmun turte khawtlang hruaitute leh zirtirtute’n an ngaihtuah mek lai a ni a, sikul sakna tur first instalment pawh hmuh tawh a ni. Social media-ah leh party ṭhenkhatin thil hre chiang loa thu belhchian dâwl lo an thehdarh hi pawi ka ti tak zet a ni,” a ti bawk.