Job card lem 86 hmu chhuak

Lawngtlai Chand­mary-II Bethel Veng chhungah MGNREGA hnuaiah job card lem 86 hmuh chhuah a ni.

Zawhna chhanga Lawngtlai BDO Zoram­siama Hmar sawi danin, job card lemte hi ngawrh taka zawn mek a ni a; sorkar hnathawk zingah inhnamhnawih an awm leh awm loh pawh zawn chhuah tum mek a ni.

Lawngtlai Bethel Vengah hian job card nei mi 302 an awm a, chung zinga 86 chu a lem nia hriat a ni. Lawngtlaiah hian inhlawhna ni 50 siam a ni tawh a, job card lem nia hriat 86 hmanga sum hman tawh zat chu Rs. 8,08,400 a ni.

Lawngtlai Bethel Venga VCP T Lalram­chunga leh VC member dang pahnih chuan nimin khan Lawngtlaiah chanchinbu mite an kâwm a; job card dik lo awm zat chu 41 ni zawkin an sawi.