Sorkar laipui scheme sawiho

Aizawl District Deve­lopment Coordination and Monitoring Committee chu, nimin khan an chair­man CL Ruala, Lok Sabha MP hoin an ṭhukhawm a, sorkar laipui scheme hnuaia hmalakna hrang hrangte an sawiho.

Meeting-a tarlan danin, MGNREGA hnuai­ah sorkar laipui aṭangin cheng nuai 5283.095 hmuh tawh aṭangin nuai 643.657 pek chhuah a ni tawh a; state sorkar aṭangin cheng nuiai 550.095 hmuh tawh aṭangin nuai 6.968 pek chhuah tawh a ni thung.

Rural Development block hrang hrang panga­ah cheng nuai 611.822 hmangin wage compo­nent hnuaiah mipui inhlawh nan pek chhuah tawh a ni a, nuai 22.778 chu material component atan hman a ni.

Pradhan Mantri Awas Yojana (Grameen) scheme hnuaiah cheng nuai 365.04 sorkar laipui aṭanga hmuh tawh niin, cheng nuai 52.987 pek chhuah tawh a ni a; state sorkar aṭangin cheng nuai 40.56 hmuh a ni tawh.

Pradhan Mantri Gram Sadak Yojana (PMGSY) hnuaiah Aizawl district huam chhungah kawng 45 siam hna thawh niin, km. 591.27 siamna tur sum pek tawh a ni a, chuta ṭang chuan kawng 41 (km 553.83) siam zawh tawh a ni.

Meeting-ah hian co-chairman Ronald Sapa Tlau, Rajya Sabha MP bakah, minister Lal Thanzara, parliamentary secretary Lt.Col. ZS Zuala, parliamentary secretary KS Thanga, govt. deputy chief whip RL Pianmawia leh AMC mayor PC Lalhming­thanga-te pawh an tel.