Kolasib DC-in company-te ko khâwm
Kolasib DC H Lalengmawia chuan, nimin khan an district chhunga construction leh engineering company-te DC conference hall-ah a ko khawm a, an hnathawh dinhmun an sawiho.
Kolasib DC chuan, district administration lamin company hrang hrangte tluang taka hna an thawh a, zawh hun tur bituk chhunga an zawh ngei an duh tih a sawi a; company-te chu an hnathawh tikhaihlak leh muangchang tur zawnga mimalin emaw, pawlin emaw hma an la a, pawisa an khawn ṭhin a nih chuan district thuneitute hriattir ṭhin turin a chah.
Meeting-ah hian, Bairabi to Sairang rêl kawng laih hna thawktu te, National Highway-54 kawng siamtu te, Tuirial Hydel Project siam hna thawktute leh lei dawh hna thawktute koh an ni a; company hrang hrangte chuan an hna a thawh chu hun tiam chhunga zawh hman ngei an inbeisei thu an sawi a ni.