MPF Governing Board an ṭhu

Mizoram People Fo­rum (MPF) Governing Board chu nimin khan Synod Office-a JM Lloyd Hall-ah an ṭhukhawm a; MPF leh political party-te thawhhona thuthlung an ennawn.

MPF meeting hi pre­­sident Rev. Lalzui­thang­a'n a kaihruai a, ge­neral secretary Rev.Dr R Lalbiakmawia leh finance secretary PC Lalmawia ten report a pe. MPF leh political party-te thawhhona thuthlung ennawn a nih bakah, Aizawla Assembly bial hrang hrang leh district hrang hranga political education leh good gover­nance campaign buatsaih dan turte an sawiho a ni.

MPF hian Mizoramah inthlanna thianghlim leh felfai tak a awm theih nan ṭan a la reng a, chuta tan chuan political education leh good governance campaign-te an buatsaih ṭhin tih an tarlang.