Lirthei insú-ah mi pahnih thi
May 19, Ningani tlai dar 5 vel khan Kolasib district-a North Hlimen leh Saipum inkarah Pik-up truck leh scooty an insú a, scooty-a chuang mi pahnih, North Hlimen khaw mi ve ve an thi.
North Hlimen YMA hruaitute hnen aṭanga thu dawn danin, lirthei insutnaah hian scooty khalhtu Malsawmruatpuia (42) chu insut hnu tlai dar 6:30 velah a thi a, scooty hnunga chuang Biaka (60) pawh a hliam tuar loin zan dar 7 velah a thi ve leh a ni. Biaka hi Malsawmruatpuia puzawn a ni.