Khawhai Supply Centre hawng

Food, Civil Supplies and Consumer Affairs (FCSCA) minister K Lalrinliana chuan nimin khan Khawhaia Supply kudam leh staff quarters sak thar a hawng. Kudam leh quarters hi NABARD Warehousing Scheme (NWS) 2013-14 kaltlanga cheng nuai 183.93 hmanga sak a ni.

K Lalrinliana chuan, FCSCA department a enkawl tirhin Mizoramah supply kudam 65 sak ṭhat ngai a awm tih report a dawn thu sawiin, “Kawng hrang hrangin hma kan la a, rei lo têah kudam 10 sak phalna hmuin kan sa zo tawh,” a ti a, kudam 21 sakna tur an hmuh leh tawh thu a sawi.

Khawhai Supply Centre hnuaiah mi 5,485 awmin, ration card 1,219 a awm a; AAY card 165 (mi 415), PHH card 740 (mi 3,585) leh Non-NFSA card 314 (mi 1,485) a ni.