Hripui vei mek 134 (0.05%) chiah an awm

May 19, Ningani khan swab sample 257 endik aṭangin Covid-19 vei mi 34 hmuh chhuah a ni a, positivity rate 13.23% a ni. Nimin khan hripui vei dam tawh mi 65 chhuahtir an ni a, hripui vei zinga mi pakhat a thi. Covid-19 positive enkawl lai mi 134 (0.05%) chiah an awm tawh.

Ningania Covid-19 positive hmuh tharte chu mipa 14 leh hmeichhia 20 an ni a, RAT hmanga hmuh chhuah 25 leh FIA hmanga hmuh chhuah pahnih an ni. District parukah hmuh a ni a, district pangaah hmuh a ni lo thung.

IDSP record angin, Mizoramah Covid-19 vei 2,28,094 hmuh chhuah a ni tawh a, mipa 1,06,202 leh hmeichhia 1,21,892 an ni a, mipa aiin hmeichhia 15,690-in an tam zawk. Nimin tlai dar 5 thleng khan mi 2,27,262 (99.64%) chhuahtir an ni tawh a, mi 698 (0.31%) thi tawhin, enkawl mek mi 134 (0.05%) an awm.

Nimin tlai khan Mizorama district 11 zingah Covid-19 vei mi 50 awm tlinna a awm tawh lo a; active case tamna district pahnih - Aizawl district-ah mi 43 leh Saitual district-ah mi 40 an awm. District pathum - Siaha, Champhai leh Lawngtlai district-ah hripui vei an awm rih lo thung.

Sorkar thuchhuah tarlan danin, Mizorama Covid-19 positive hmuh tawh 2,28,094 chu kum 2011 chhiarpui angin mihring 1,000 zela mi 207 positive an awm ang a ni a; mi 1,00,000 zelah Covid-19 vangin mi 63 an thi tawh ang a ni bawk.