AICS badminton tournament a ṭiak

Kar khat awh All India Civil Services Badminton Tournament - 2017, R Dengṭhuama Hall-a neih chu Inrinni khan zawh a ni a; Mizoram DGP Thianghlimna Pachuau-in a khârna hun a hmanpui.

Thianghlima Pachuau chuan, infiamna chu hriselna kawnga mi tin mamawh a nih bakah, mize chi hrang hrangte tana inpawhna siamtu leh huang khata mi hûi khawmtu a nih thu a sawi a, "India ram chhunga sorkar hnathawkte'n sports meet an nei ṭhin hi India rama chengte tana inpumkhatna siamtu atan a ṭangkai a, state hrang hranga chengte'n inunauna an neih chhun­zawm zelna tura hmaraw pawimawh tak a ni," a ti.

Inkhawm hi Sports secretary HL Rochung­nunga'n a kaihruai a, organising secretary Zo­thanmawia'n tournament neih chhunga thil thleng hrang hrangte a sawi.

Tournament-ah hian player 526 an tel a, category 12 a ṭhen a ni. Mens single-ah S Naveen Kumar, Andhra Pradesh a champion a, women's singles-ah Swati Sharma, Central Secretariat, New Delhi-te an champion.