Dr Thangchungnunga vui liam a ni

Dr Thangchungnunga (68) h/o VL Rammawii (L), Dawrpui chu septicemia leh natna dang avangin nimin zing dar 3:30 khan Civil Hospital, Aizawlah a thi a, nimin chawhnu dar 3 khan Dawrpui Pres­byterian Kohhran Cen­tenary Hall-ah vui a ni.

Dr Thangchungnunga hian kum 1990 khan post graduate (Orthopaedic) zir zoin, Civil Hos­pital, Aizawlah a thawk a, Mizo­ram State Cancer Insti­tute director a nih laiin superanuation pension-in a chhuak. Amah hi ruh lam thiam doctor lâr a ni a, lehkhabu eng emaw zat a ziak tawh bawk.