KHAWTHLIR

Thisen pe
May 21, Inrinni khan Salvation Army Youth (SAY), Central North Division chuan Chanmari West YMA Hall-ah Civil Hospital, Aizawl tan thisen unit 106 an pe a, petute mipa 92 leh hmeichhia 12 an ni. KṬP, Maubawk Bialin Synod Hospital tan thisen unit 57 pein, petute mipa 44 leh hmeichhia 13 an ni a; Lawngtlai College Veng Bial LIKBK Ṭhalai Pawlte'n Lawngtlai District Hospital tan thisen unit 28 an pe bawk a, petute mipa 24 leh hmeichhia pali an ni.

Leilen & Lalvunga
May 21, Inrinni khan Synod Conference Centre-ah Sangzuala Pachuau lehkhabu ziah 'Leilen' tih chu Dr C Lalhrekima'n a tlangzarh a, 'Lalvunga' tih chu R Lalrawna'n a tlangzarh bawk.

Zoram chhanchhuah
ZPM Ṭhalai Headquarters chuan May 21, Inrinni khan Aizawl South-III bialah kum 2022 atana an project thupui 'Zoram chhanchhuah' hawnna hun an hmang a, Aizawl South-III biala khaw hrang hrang fangin, lehkha an sem a ni.

Inhawng reng turin hriattir
Champhai DC James Lalrinchhana chuan, tuialhthei lâknaah mipuiin harsatna an tawh loh nan Champhai khawpuia petrol pump/filling station-te chu Pathianni tiamin engtik lai pawha inhawng turin a hriattir.

Heroin man
Champhai police-te chuan May 21, Inrinni zan khan Khankawn checkgate-ah heroin gram 259 an man a, a neitua puh Isaak Lalthutiama (26) s/o Lalsawivuli, Champhai Vengthlang North an man bawk. Heroin hi international market-a cheng nuai 129.5 man a ni.

Silpauline pe
Aizawl Municipal Corporation Ward-VIII councillor Christina Roluahpuii Sailo chuan May 21, Inrinni khan a bial chhunga rawra chhúa eizawngte tlawhin, an tawm hulna atan silpauline eng emaw zat a pe. Councillor hian rawra chhutna hmunah kalin, an awmna tur chung an siam chu ruahsur laiin far a awm leh awm loh a enfiah a, a chung farte chu silpauline a pe.

Minister-in enfiah
Minister of state TJ Lalnuntluanga chuan May 21, Inrinni khan a bial chhunga Tuipui khuaah boxing hall sak mek tlawhin a enfiahHall hi SPMRM aṭanga hmuh cheng nuai 40 leh MLA fund cheng nuai 10 hmanga sak a ni a, kuminah sak zawh hman beisei a ni.

Plastic sâwngbâwlna
PHE secretary Lalmuanzova chuan May 20, 2022 khan New Champhaia PHE department hmunah plastic bawlhhlawh sâwngbàwlna hmun Plastic Waste Resource Management Centre (PRMC) a hawng. Plastic chhia sâ

ZORO inthlang
Zo Reunification Organisation (ZORO) chuan May 20, 2022 khan kum 2022-2025 chhunga ZORO General Headquarters hruaitu tur an thlang a, president atan R Sangkawia an thlang. Vice president atan mi panga leh treasurer tur mi pakhat an thlang bawk.

DC-in tlawh
Siaha DC Lalsangliana chuan an district chhung khaw thlang lama khaw pariat chu an khaw dinhmun hriat nan May 21, Inrinni khan a tlawh.