MYC Chairman banna Chief Minister-in pawm

21st February, 2017

Mizoram Youth Commission (MYC) chairman T Sangkunga'n MYC Chairman nihna aṭanga banna a thehluh chu chief minister Lal Thanhawla'n a pawm sak.

Vanglaini palai zawhna chhangin Chief Minister chuan T Sangkunga banna a pawmsak thu hi a sawi a, "Lalrinmawia Ralte-in minister of state aṭanga banna a thehluh chu Governor-ah ka thawn phei a, a la awm mek," a ti.

Tarlan tawh angin NIAS, Kolkata-a zirlai tirh leh thil dang avangin Lalrinmawia Ralte leh T Sangkunga hian minister of state leh MYC Chairman an nihna aṭanga banna chu February 15 khan Chief Minister hnenah an thehlut a ni.