February 2017-ah an inbe dawn lo

Mizoram sorkar leh Hmar People Conference - Democrat (HPC-D) te chu an inbiak hnuhnun bera inbiak leh hun atana an ruahman chhin, February 2017 chhungin an inbe leh hman dawn lo.

Home department hotute aṭanga thu dawn danin, Home department chu Bru hruai kîr tur chungchangah meeting-a an kal reng a ngaih avangin HPC-D nena inbiakna tur buaipui kawngah hma an la chak thei lo a; chuvangin, kumin February chhunga inbiakna neih hman a beisei awm loh a ni. Hetih lai hian, inbiak hun atana ruahmanna siam chhin a la ni rih lo.

Mizoram sorkar leh HPC-D te hi an inbiak hnuhnun ber chu December 16, 2016 khan a ni a, hemi ṭum hian HPC-D aiawhte chuan police pakhatin silai a tlanbopui pahnih leh Zokhawthiang dáia MLA-te an lambun ṭuma silai an chhuhsak parukte chu Mizoram sorkarah an pe kîr tawh.