Synod-in beihpui a thlâk
Mipuiin rilru an put a, kawng dik an zawh theihna turin Synod Social Front chuan May 21-22, 2022 chhung khan Champhai khawpuia tualchhung kohhran 14-ah beihpui an thlâk.
Beihpui thlâk tur hian Aizawl aṭangin campaigner 12 an kal a, Champhai khawpuia pastor awmte campaigner atan hman nghal a ni bawk. Beihpui thlaknaah hian politics siam ṭha tur te, ruihhlo leh HIV/AIDS do kawnga ṭan la zual tur te, ei leh bara intodelh leh eizawnna thianghlim leh tlo nei turin kohhran mipui zirtirin an fuih a ni.
Synod Social Front chuan May 21-22 chhung vêk khan Chhiahtlang Pastor Bial chhunga kohhran hrang hrangah political education, ruihhlo & HIV/AIDS do leh career guidance campaign an buatsaih bawk.