Vety Minister-in sa talhna hmun a tlawh

Animal Husbandry & Vety minister Dr K Beichhua chuan nimin khan Mualpuia an department sa talhna in a tlawh a, ran ek sawngbawlna siamṭhat mek a enfiah nghal.

Mualpuia ran ek sawngbawlna hian a dawl zawh tawh loh avang leh a chhehvela chengte tan a hnawksak tawh avangin AH&Vety Minister chuan siamṭhat tumin nikum lam khan hma a lo la tawh a, hei vang hian tunah siamṭhat hna thawh mek a ni. Dr Beichhua chuan hnathawktute chu rintlak taka hna thawk tur leh a hun taka an hnathawhte peihfel hman turin a chah nghal.

Ran ek sawngbawlna hi Effluent Treatment Plant tih a ni a, heng hian waste collecting tank-te leh drain channel-te a keng tel a ni.

Dr. K Beichhua hi AH & Vety secretary Lalzarmawii, joint secretary Dr Lalngura Tlau leh director Dr Lalremlianaten an ṭawiawm.