Police awmna chin hre lo

Mizoram IR police Lal­nghakliana (30) s/o Thang­biki, Champhai Bethel Veng chu Uttar Pradesh state inthlana an duty zo, Manipur inthlana duty leh tura an kalna kawngah February 20, 2017 zan aṭang khan a awmna chin hriat a ni lo.

Police hotute aṭanga thu dawn danin, Lalnghakliana hi Mizo IR police dangte nen rêlin Guwahati an pan a, February 20 zan khan a ṭhiante muthilh hlanin a bo a ni. A ṭhiante chuan a bo tih an hriat hi zing dar 2 vel niin an sawi. Nimin tlai thleng kha a awmna chin hriat a la ni lo.