KHAWTHLIR
Tanpuina sem
MLA Vanlalawmpuii Chawngthu chuan, nimin khan a bial chhunga East Lungdara BRC Hall leh Keiṭum V/C House-ah puantah training-te hnenah puantah khâwl leh ṭanpuina sum a sem. Ṭanpuina hi East Lungdar, North Vanlaiphai, Bâwktlang, Lungkawlh, Bungtlang leh Keiṭum khuaa mi 70 hnenah sem a ni.
Minister-in tlawh
Health minister Lal Thanzara chuan, Thawhlehni khan Lawngtlai District Hospital a tlawh. Minister chuan, amah lo dawngsawngtu damdawi-ina thawkte chu an file chu an mihringpuite an nih avangin department dang nen khaikhin theih a ni lo tih a hrilh a, "Inthlahdah a rem ve lo," a ti.
V/C training
State Institute of Rural Development & Panchayati Raj chuan, Thawhlehni khan an conference hall-ah 'Training on Gram Panchayat Development Plan for Village Councils of Darlawn RD Block' an buatsaih a; village council-te chu hmasawnna hna thawh kawnga thil pawimawh hrang hrang an zirtir.
Heroin leh ganja man
Excise & Narcotics department-a Anti Narcotics Squad-te chuan, nimin khan Hunthar Vengah heroin gram 245 leh a neitua puh Lalrongheta (25) s/o Romawia (L), Champhai Kanan Veng nia insawi an man. Nimin vêk khan ganja kg. 2 leh a neitua puh Lalzatluanga (22) s/o Zamzananga, Ngopa khua nia inchhál an man bawk.
Cashless zirho
Sericulture department chuan, nimin khan Kawnpui Venglai YMA Hall-ah pawisa fai hmang loa mi dang nena indawr dan zirna 'Unified Payment Interface Awareness' an buatsaih.