ODF-a puan theih dan tur sawiho

Aizawl District Swachh Bharat Mission (Gramin) chu nimin khan Aizawl DC pisaah an ṭhukhawm a, Aizawl district inthiarna mumal nei lo awm lohna hmun, Open Defecation Free (ODF)-a puan a nih theih dan tur an sawiho.

Meeting-a tarlan danin, Baseline Survey 2012 angin Aizawl district-ah ek-in ṭha nei lo chhungkaw 1,517 an awm a, ek-in ṭha nei lote chu kum 2016-ah an vaiin SBM(G) sum hmangin a thar saksak vek an nih bakah, BDO-te’n MGNREGS sum hmangin chhungkaw 288-te ek-in an saksak a ni.

Aizawl district-a thingtlang khua 94-te chu ODF-ah an inpuang vek tawh a, RD block panga awmte enfiah an nih hnuah ODF-a puan mai theih tura ruahman mek a ni.

Kum 2016-17 chhung hian bawlhhlawh leh thli senghawi­na (Solid & Liquid Waste Management) khaw pahnih­ah siam zawh a ni a, khaw pathum­ah siam mek a ni.