Library ṭhate hnenah lawmman hlan

Art & Culture department leh Mizoram Library Association ṭangkawp chuan, nimin khan Chanmari YMA Hall-ah 'State Level Library Seminar & Training for Rural Libraries' an buatsaih a, Art & Culture minister R Romawia'n hmanpuiin, rural library ṭha lawmman sem a ni.

R Romawia chuan, library chu finna dah khawmna a nih thu sawiin, "Lehkhabu ṭha tak tak hai chhuak peih apiang mi fing an ni ṭhin. Library neih ṭhat hi hnam changkanna kawng khat a ni," a ti a; lehkhabua mite'n finna an lo chhêkkhâwl chu vawnghima hmang ṭangkai lehzual turin mipui a chah.

Inkhawmah hian pawl/mimal en­kawl library ṭha lawmman, Best Rural Library Award hlan a ni a; pakhatna chu Chanmari Branch YMA Library niin, Chatlang Branch YMA Library leh Bethlehem Vengthlang Branch YMA Library ten an dawt. MJA Public Library pawhin lawmman 10-na a dawng a, 'Highest Total Donation of Books 2013-2015 lawmman a dawng bawk.

Training-ah hian rural library hrang hrang enkawltute an tel a, vawiinah chhunzawm a ni ang.