Sorkar hnenah NIAS-in Cheng nuai 42 a pe lêt

Nalanda Insitute of Advance Studies (NIAS), Kolkata chuan, an hnena Mizo zirlai 32 tirhte'n harsatna an tawh avangin Mizoram sorkar hnenah cheng nuai 42 an pe let.

Chief minister Lal Thanhawla'n nimina thuthar thehdarhtute a hrilh danin, NIAS, Kolkata hian Mizoram sorkara Advocate General kaltlangin cheque 10, Rs. 4,20,000 ṭheuh, a vaiin Rs. 42,00,000 chu Mizoram sorkar hnenah an pe let a ni.

Advocate General-in Chief Minister a hrilh danin, tun dinhmunah NIAS-ah Mizo zirlai pathum an la awm a, an hmuna awm chilh kher loa páwn lam aṭanga exam tum pawh an awm a ni.