Zirlaite an exam theihna turin Education dept.-in ruahmanna siam

Tunlai hian Mizoram hmun hrang hrangah sikul naupangte'n kum tawp exam an nei mek a; CSS hnuaia Hindi zirtirtute'n lungawi lohna lantira sikul an kal loh vanga zirlai exam leh result tihchhuahnaah harsatna a awm loh nan, School Education department chuan ruahmanna a siam.

School Education department-in February 22, 2017-a circular a tihchhuah danin, CSS Hindi zirtirtute'n an harsatna sutkian tuma hma an lakna vanga sikul naupangte'n kum tawp exam-ah an harsatna an tawh lohna tura ruahmanna a siamte chu, an huam chhung ṭheuhah bawhzui turin DEO leh SDEO zawng zawngte hriattir an ni.

School Education Department Circular
1. Sikul naupangte'n Hindi subject an exam theih ngei nan hmalak ni se la. Question setting & evaluation chung­changa ruahmanna siam ngai apiang siam ngei ni se.
2. Hindi subject bakah, CSS Hindi teacher-te'n an sikula subject dang an lakte pawh sikul naupangte'n bahlah loa an exam ngei theih nan chu'ng subject-ahte pawh chuan question setting & evaluation pawh ruahmanna siam ngei ni bawk se.
3. CSS Hindi teacher-te nawrhna vang hian engti kawng mahin summative exam leh kum tawp exam-te hi a bahlah phah tur a ni lo ang. DEO leh SDEO ten an bialah ṭheuh hemi chungchangah hian bahlahna a awm chuan mawh an phur ang.
4. DEO leh SDEO-te action taken report rawn thehlut tura hriattir an ni.