Agriculture Minister leh JICA hotute inkâwm

Agriculture leh Irrigation & Water Resources changtu minister C Lalrinsanga chuan May 23, Thawhṭanni zan khan Japan International Cooperation Agency (JICA) hotute pualin Aijal Club-ah cultural programme leh zanriah a buatsaih a, Mizoram sorkar leh JICA hmalak mekna leh hmachhawpte an sawiho.

C Lalrinsanga chuan, JICA leh Mizoram sorkar thawhhona hnuaiah RD Block pathumah hmalakna hmahruai thawh zawh a ni tawh thu a sawi a; JICA Sustainable Farming System hnuaia agriculture leh a kaihhnawihah awmze nei taka hmalak mek a nih thu sawiin, TCP hnuaia JICA hmalakna chu a hmâwrbâwk hnai tawh mah se, Mizoram tan bika pawhsei dan kawng dap turin JICA hotute a ngen.