Tourist lodge pasarih hawng

Ningaini leh ni­min khan Siaha dis­trict chhungah Tourism minister John Rotluangliana, parliamentary secretary (Tourism) TT Zothansanga leh Tourism secretary V Lalremthanga ten tourist lodge pasarih an hawng.

Maubawk, Zawngling leh Phura khuaa tourist lodge hawngtu John Ro­tluangliana chuan, khaw mipuite chu tourist lodge neitu dik tak an nih thu a sawi a, "Tourist lodge thar hian khaw mipuite tana hlâwkna leh ṭangkaina nasa tak a nei dawn. A remchan dan angin khaw mipuite'n an hmang thei dawn a ni," a ti.

Tourism Minister chuan, tourist lodge-ah lal bik an awm lo tih sawiin, khaw mipuite chu theihtawp chhuaha enkawl leh venhim hna thawk turin a chah.

TT Zothansanga chuan Niawhtlang leh Cha­khang khuaah tourist lodge a hawng a; Tourism Secre­tary chuan New La­tawh leh Serkawr khuaa tourist lodge a hawng thung.