Lungleiah sikserh do dan tur inzirtir

February 23-24 chhung khan Health department chuan, Lungleia Cultural Heritage Centre-ah sikserh donaa hmalak dan tur inzirtirna an buatsaih.

Training hi Lunglei CMO Dr VLMS Dawngliana'n a kaihruai ṭhin a; sikserh do turin mi tinin theihtawp an chhuah a ṭul thu sawiin, Lunglei khawpuia in chung lama tuizem dah ṭhin zingah a chhìn siam lo an tam a, chu chu thosi inthlahpunna remchang a nih avang­in tuizem chhin siam ngei tura inzirtir a ṭul thu a sawi. Training-a telte chu sikserh hrik tirêm tura thawktu an nih angin, an bial ṭheuhah mipui him theih nan theihtawp chhuah turin a chah a ni.

Training-ah hian Lunglei CMO hnuaia health supervisor leh health worker-te an tel a; Dr VLMS Dawngliana bakah, medical officer Dr Lalduhawmi, consultant Josephine Lalramengi leh supervisor C Lalrindika ten thil pawimawhte an zirtir a ni.