Tourism department-in sawifiah

Tourism department chhuah thuchhuah siamin, Hangi Lunglen Tlanga building pahnih, rawng hring hnawih thar chu Lalrinmawia Ralte, MLA ta ni loin, Tourism department ta a nih thu an tarlang.

Tourism department chuan, "Ni 15.2.2017-a local cable channel-te'n news-a political party ṭhenkhatin Pi Hangi Lunglen Tlanga Tourism hmuna an tlawhnaa building pahnih, a bang hring lo lang kha kan department ta a ni a, department-in management contract ziahpuiin private hnenah a management hi man nei leh hunbi neiin a enkawltir a ni. Lalrinmawia Ralte ni loin, Lalengzami Ralte hnena management contract-a enkawl hawh tura pek a ni," a ti.

Tourism department tarlan danin, an hmun tam tak chu sorkar sum hloha kalpui a nih avangin mimal hnena enkawl tura pek mek zel a ni a; chu'ng hmunte chu chei ṭhat leh khualzin hîp tura siam-ṭhat phalsak a nih angin, building-te chu contractor-te'n an chei ṭha a ni.