Rualbanlote hmasawnna tur zirho

February 23-24 chhung khan 'Recent Development in Disability Rehabilitation: Debates & Dilemmas' tih thupui hmangin Synod Conference Centre-ah seminar buatsaih a ni a; nimina a khârna inkhawm chu Mizoram State Women Commission chairperson Vanlalawmpuii Chawngthu, MLA-in a hmanpui.

Vanlalawmpuii Chawng­thu chuan, rualban­lote hmasawnna leh an nakin hun thlir a, an tana seminar buatsaih a ni chu lawmawm a tih thu a sawi a, "Ram hmasawnna sang zelah ram leh hnam changkang apiangin rualbanlote an ngaihsak a, an hmasawnna an ngai pawimawh em em a, anmahni ṭanpui a, enkawlna lamah pawh hma an la nasa hle a ni," a ti.

Seminar hi Ministry of Social Justice & Empowerment hnuaia Composite Regional Centre, Department of Empowerment of PwD leh Bethesda Hospital & Research Centre, Aizawl ṭangkawpin an buatsaih a ni.