Tuilakna tur leh kawng enfiah

Lunglei West bialtu MLA Chalrosanga Ralte chuan, Inrinni khan Buarpui tui lâkna tur leh NABARD sum hmanga Ṭhuampui-Sertlangpui kawng siam tur a enfiah.

Chalrosanga Ralte chuan, "Lungphun lui tui lakna tur hian DPR cheng nuai 600 chuang hû siam a ni a, NEC-ah a tlang mai loh avangin senso tlem zawka siamṭhat leh a ni ang. A tlang ngei theih nana bawhzui tum a ni a, Buarpui khaw mipuite'n tui khamkhawp senso tlem zawka an hmuh ngei ka beisei," a ti.

Chalrosanga Ralte hian PWD hotute nen Ṭhuam­-pui aṭanga Sertlang­pui inkar kawng siam tura culvert, side drain leh retaining wall siamna hmun hrang hrang an endik bawk a; kawng siam hna thawk tur pawh tihfel thuai a nih tur thu a sawi.