Pawngsual thubuai 189 ziak lut
Mizoram Police hnuaia CID (Crime) chhinchhiah danin, kum 2016 chhung khan Mizoramah pawngsual thubuai 189 ziah luh a ni a, heng zinga 26 chiah hi kum tling pawngsual thubuai a ni.
Pawngsual thubuai ziah luh zinga 163 chu naupang kumtling lo pawngsual thubuai a ni a, Protection of Children form Sexual Offences (POCSO) Act hnuaiah thubuai ziah luh a ni.
POCSO Act hnuaia thubuai 163 ziah luh atang hian pawi khawihtua puh mi 168 man an ni a, kum tling thubuai ziah luh 26 ziah luhah mi 28 man an ni thung.
CID (Crime) hotute sawi danin, pawngsual hi Police-in thubuai a ziah luh bak record a ni lo a, Police hnen thleng lo pawngsualna thleng eng emaw zat a awm a ni.