Kolkata-ah Chapchar Kût hmang

Calcutta Mizo Welfare Association huaihawtin Kolkata khawpuia Mizo­te chuan February 25, 2017 khan Mizoram House, Ballygunge-ah Chap­char Kût an hmang a, parliamen­tary secretary Joseph Lal­himpuia chu Kût Pa a ni.

Joseph Lalhimpuia chuan, Kolkata-a Mizo awmte'n Mizo kût pawi­mawh an hmang ṭhin chu fakawm a tih thu sawiin, "Kolkata hi India rama khawpui lian ber zinga mi, Mizote zingah pawh kan mi hmasa tam takte lo zir chhuahna a ni a, tun thlengin zirna leh sumdawnna kawngah hmun pawimawh ber pakhat a ni," a ti.

Parliamentary Secre­tary chuan, Kolkata-a Mizote chu Mizoram aṭanga kawtchhuah khawpui pawimawha awm an ni tih sawiin, mawhphurhna pawimawh tak an neih thu a sawi a; an nungchangah leh chetziaah missionary rilru pû a, Mizo tihmingṭha zawnga awm zel turin a fuih a ni.

Kolkata-a Mizote'n Chapchar Kût an hman­naah hian hnam lam leh zai chi hrang hrang an entir a, intihhlimna chi hrang hrang an buatsaih bakah, zanriah an kîlho nghal a ni.