Project Pushpak golden jubilee lawm

Border Roads Orga­nisation (BRO) hnuaia Project Pushpak chuan, Inrinni khan an kum 50 tlin, golden jubilee an lawm a; jubilee lawmna atan zing karah Golden Jubilee Run an buatsaih a, chief secretary Lalmal­sawma'n a thlah liam.

Golden Jubilee Run neih zawhah Lammualah a lawmna inkhawm buatsaih a ni a, Governor Lt.Gen. Nirbhay Sharma-a'n Jubilee Run-a tiṭha zirna in hrang hranga zirlai te, sipai bángte leh ṭhalaite hnenah lawmman a sem.

Larsap chuan, hriselna atan lungrual taka ṭan lak a ṭul thu a sawi a; BRO hnuaia Project Pushpak chu May 1, 1967-ah Mizo­ramah inbun ṭanin, Mizo­ram hmasawnna atan kawng­pui siam leh lei dawh hnate an thawk tih a sawi.

Project Pushpak gol­den jubilee lawmnah hian parliamentary secretary Lt. Col. ZS Zuala, BRO addi­tional director gene­ral Dr SS Porwal leh Project Pushpak chief engineer KK Razdan te pawh an tel a ni.