RG Stadium gallery siam leh sum ruahman inmil loah ngai

MNF ṭhalaite chuan thuchhuah siamin, Rajiv Gandhi Stadium-a mipui ṭhutna gallery chu a siamna tura sum hmuh leh a taka an siam a inmil lo niin an tarlang.

MNYF chuan, MNF sorkar laiin Lammualah Rajiv Gandhi Stadium siam an tum a, contractor pawh thlan vek tawh a nih laiin, Congress sorkarin Mualpuiah an sawn tih an sawi a, "Entute ṭhutna tur gallery a siam muang lutuk hi pawi kan ti hle a ni," an ti.

MNYF tarlan danin, RG Stadium-a mipuite ṭhutna chuan hnuai zawk (lower gallery) siam­tu contractor chu Lloyed Insultation Ltd., Kolkata an ni a, sum ruahman chu Rs. 8,09,92,306.08 a ni. "Tuna inkhel entu mipui ṭhutna chuan hnuai zawk chauh siam nana sum heti zat a luang ral hi mak kan ti a, chhui chiang ngei turin Mizoram sorkar kan phût tlat a ni," tiin, khelmual kual chhuaka entute ṭhutna tur siam zawh hun tur an nghahhlelh thu an tarlang.