Digidhan Outreach Campaign

Mizoram district hrang hranga Digidhan Outreach Campaign-a kal turte chu, Inrinni zing khan Information & Communication Technology secretary C Lalhmachhuana'n Secretariat Annexe-I tual aṭangin a thlah liam. Campaign hi February leh March thla chhunga zawh hman tum a ni.

Campaign nei tur hian sorkar laipuia Electronics & Information Technology Ministry aṭangin team khat an lo kal a; Mizorama district hrang hrangah digital payment service chungchang, phone aṭanga e-wallet hman dan, cashless transaction tih dan leh Aadhaar card hmanga digital payment siam dante an zirtir dawn a ni.

Campaign a chhuakte hian February leh March thla chhung hian Aizawl district, Serchhip, Lunglei, Lawngtlai, Mamit leh Kolasibahte tlawhin heng district paruk chhunga khaw hrang hrang 56-ah campaign an nei dawn a ni.