Hindi zirtirtute harsatna chingfel turin phût

MNF senior vice president Tawnluia chuan, Congress kaihhruai sorkar chu an kih hnawkah an táng mek nia sawiin, CSS hnuai­a Hindi zirtirtute harsatna chu chingfel thuai tur­in sorkar an phût tih a sawi.

Nimina Mizo Hnam Runa inkhawmah Tawnluia chuan, MNF sorkar lai, kum 2008-a CSS hnuaia Hindi zirtirtu 700 vel lakte chu Congress sorkarin chhan mumal awm loin a bàn vek niin a sawi a, "An duhsak zawng mi 1,305 chu kum 2011 khan high school leh middle school-a CSS Hindi zirtirtu atan a la leh a, heng anmahni hrin ngeite hi lungngaiin an rûm mek a ni," a ti.

Tawnluia chuan, Septe,ber 30, 2013-a Mizoram CSS Hindi Teacher Association conference, Chanmari YMA Hall-a neihah chutih laia Education minister Lalsawta thu sawi chu Congress sorkar aiawha sawia an ngaih thu sawiin, "Tuna thla 10 hlawh an ba zui leh a intiam anga ti loa kawng laka a bun si chuan minister nihna chelh zui tlakah kan ngai lo," a ti a; Hindi zirtirtute buaina chu chingfel thuai turin sorkar a phût a ni.