Sorkarin theihtawp a chhuahpui: MPCC

Congress party chuan thuchhuah siamin, CSS hnuaia Hindi zirtirtute chu an dinhmun leh harstna tawhte an hriatthiampui a, an lainat tak zet thu an tarlang a; sorkarin theihtawp a chhuahpui mek niin an sawi.

MPCC chuan, Chief Minister-in a sawi tawh angin, CSS hnuaia Hindi zirtirtute chu sorkarin theihtawp a chhuahsak nia sawiin, "Education Secretary leh Director-te pawh Delhi-ah tirin, anni awm loh hnuah pawh Delhi Mizoram House-a Principal RC leh OSD-te bawhzui tura an la ti leh zelte hian sorkarin an harsatnate a ngaihvenpuizia a tilang," an ti.

MPCC tarlan danin, CSS Hindi teacher-te kum khat hlawh chu cheng nuai 4541.50 a ni a, chu chu Mizoram sorkar kum 2016-17 budget aṭanga chhûtin 7.44% a ni. Mizoram sorkarin a hnuaia thawk nghet lo tam tak a neih laia CSS Hindi teacher mi 1,305-te'n dahngheh an ngiat chu sorkar tan thil harsa tak a ni tih sawiin, sokar dinhmun chu CSS Hindi teacher-te leh mipuiin hrethiam se an duh thu an tarlang.