DC leh MKHC hruaitute'n Ruihhlo do dan tur sawiho

Aizawl district bawrh­sap Dr Lalhriatzuali Ralte, Nasha Mukt Bharat Abhiyaan, Aizawl district chairman ni bawk leh Mizoram Kohhran Hruai­tute Committee (MKHC) hruaitute chuan nimin khan Aizawl SP pisa conference hall-ah ruihhlo hluar zel chungchang leh ruihhlo laka ṭhalaite vênna kawnga hmalak dan tur an sawiho.

Ṭhutkhawmah hian ruihhlo ṭhat lohzia inzirtir tura kohhran hrang hranga naupang sunday school-a hmalak dan tur sawiho a ni a, kohhran hrang hrang rawngbawltu te, revival speaker-te leh campus ministry lamin ruihhlo chungchanga hma an lak theih dan turte sawiho a ni bawk.

Aizawl Bawrhsap chuan, ruihhlo donaah theih­tawp chhuah turin kal khawmte a ngen a ni.