A saga of three decades

Mizoram Public Service Commission (MPSC)-in kum 30 a tlin puala buatsaih, 'A saga of three decades' tih lehkhabu chu nimin khan MPSC mini examination hall-ah Planning Board vice chairman H Rammawi-in a tlangzarh.

MPSC hi kum 1991-ah din a ni a, kum 2021 khan an din champha vawi 30-na, Pearl Jubilee an thleng tawh. Covid-19 hripui léng avangin an lâwm thei lo a, jubilee pualin lehkhabu an buatsaih a ni.

Lehkhabuah hian MPSC hotute chanchin, hna an lâk tawh dan leh thil pawimawh dangte tarlan a ni a; MPSC hian a din tirh aṭangin direct recruitment post 4,000 an kalpui tawh a, DPC vawi 7,000 chuang an ṭhu tawh bawk. MPSC chairman ni mek chu Lalramthanga Tochhawng, IAS a ni a, member pahnih - Vanlaltlana leh Vanlalngaihsaka te an awm a; gazetted officer 10 leh provisional employee leh muster roll worker tiamin staff dang 56 an awm mek a ni.