Nungcha lâk luh man

Champhai Khankawn police checkgate-a duty-te chuan nimin zing khan Gospel Chanchinṭhaa (28) s/o Thangalha, Hmun­lai, Lawngtlai district leh a thurualpui Zokhaw­thar mi palite hnen aṭangin dan loa ram dang aṭanga nungcha chi hrang hrang lak luh 468 an man.

Dan loa nungcha tawlhtute hi police check­gate pumpelh tumin kein an kal a, an thil tawlh rûkte an phur (head-load) lai chu police duty-te'n an man. Nungcha mante leh dan loa tawlh rutute hi District Wildlife Crime Control Sub-Unit, Champhai kaltlangin Custom Preventive Force, Champhai hnenah hlan a ni.

Mizoram police-in ram dang nungcha dan loa lak luh an mante chu - satel pali, rúl 11, laiking/laitel 442, toed sloth pali, sazu chi khat (beaver) pahnih, sanghar pakhat leh sahuai chi khat (patto) pali a ni.