Mizoram chhunga rêl kawng siamah theihtawp kan chhuah - Railways Minister

Mizorama chám mek, Railways leh Textiles changtu minister of state Darshana Jardosh chuan May 24, Thawhlehni tlai khan BJP, Mizoram Pradesh pisa a tlawh a, party hruaitute nen an inkâwm a; Mizorama rêl kawng siam chungchangah theihtawp an chhuah thu a sawi.

Minister of State for Railways chuan, inkalpawhna ṭha leh bungrua man tlâwm zawk Mizorama a thlen theih nan rél kawng a pawimawh tih sawiin, “Mizorama rél kawng pawh a hun taka thawh zawh a nih theih nan theihtawp kan chhuah zel. Mizoram hi international border-a awm a nih angin heng hi kan ram hmasawnna tura pawimawh a ni,” a ti a; Mizoramin kawng ṭha a mamawh thu a sawi a ni.