Exhibition buatsaih

SCERT hnuaia B.Ed. Special Education (Hearing Impairment & Visual Impairment) zirlaite chuan nimin khan SCERT Auditorium-ah pianphunga rualbanlote zirna tihhmasawnna atana thiamna chi hrang hrang an zirte pholanna, Exhibition an buatsaih a, SCERT director Laldawngliani Chawngthu-in a hawng. Exhibition hawnnaah IVth Semester (Visual Impairment) zirlai C Ludy (mitdel) chu Princess India Beauty contest runner up-ah a tlin avangin SCERT chuan chawimawina an hlân. B.Ed. Special Education-ah hian zirlai (regular) 110 an awm mek a, India rama SCERT hnuaia B.Ed. Special Education zingah Mizoram SCERT hi Hearing Impairment & Visual Impairment inkawpa zirna nei awm chhun a ni.